सोलापूर ग्रामीण हद्दीतील अक्कलकोट व सांगोला तालुक्यातील 02 बाळु तस्कर यांना MPDA अन्वये येरवडा जेलमध्ये केले स्थानबध्द.

सोलापूर (प्रतिनिधी ) अतुल वि. कुलकर्णी, पोलीस अधीक्षक, सोलापूर ग्रामीण यांनी अवैधरित्या वाळुतस्करी करणाऱ्या इसमा विरूध्द कार्यवाही करून गुन्हे दाखल करावे तसेच प्रभावी प्रतिबंधक कारवाई करण्याबाबत आदेशीत केले होते.

त्या अनुषंगाने सांगोला तालुक्यातील पप्पू शिवाजी इंगोले, रा. कोपटे वस्ती, सांगोला व अक्कलकोट तालुक्यातील अण्णाराव ऊर्फ पिंटु बाबुराव पाटील, रा. शेगाव ता. अक्कलकोट, यांचे शरिराविषयक तसेच वाळुचोरीच्या अनुषंगाने गंभीर स्वरूपाचे गुन्हे दाखल आहेत. त्यांच्या गुन्हेगारी कृत्यांना व सार्वजनिक सुव्यवस्थेस बाधा आणणा-या कृत्यापासुन रोखण्यासाठी अतुल वि. कुलकर्णी, पोलीस अधीक्षक यांच्या मार्फतीने मा. जिल्हादंडाधिकारी कार्यालय, सोलापूर येथे प्रस्ताव सादर करण्यात आला होता.

स्थान बद्ध इसम पप्पू इंगोले यांचे विरूध्द शासकीय लोकसेवक यांना शासकीय काम करताना धाकाने परावृत्त करणे, घातक हत्याराचा वापर करून इच्छापूर्वक दुखापत पोहचवणे, अवैधरित्या वाळू उपसा करणे, शासकीय गोडावून येथून वाळूचे वाहन चोरी करणे याबाबत गंभीर गुन्हे दाखल होते. तसेच स्थानबद्ध इसम अण्णाराव पाटील याचे विरुध्द खुनाचा प्रयत्न करणे, अवैधरित्या अग्नशस्त्र बाळगणे, शासकीय लोकसेवक यांना कामापासुन धाकाने परावृत्त करणे, अवैधरित्या वाळू उपसा करणे, बोटीच्या सहा य्या ने वाळु चोरी करणे व इतर, अश्या स्वरूपाचे गंभीर गुन्हे दाखल आहेत. दोघांना यापूर्वी त्यांच्या वर्तनात सुधारणा होण्यासाठी हद्दपार करण्यात आले होते, तसेच अण्णाराव पाटील यास MPDA कायदयानव्ये स्थानबध्द करण्यात आले होते, तरी देखील पुन्हा पुन्हा गुन्हेगारी कारवाई करुन सर्वसामान्य लोकांमध्ये दहशत व भिती निर्माण केली होती. कृत्यामुळे सार्वजनिक सुव्यवस्था बाधीत झाली होती कुमार आशिर्वाद, जिल्हाधिकारी तथा जिल्हादंडाधिकारी, सोलापूर यांनी MPDA कायदयान्वये स्थानबध्द करणेबाबत आदेश निर्गमित केले आहे. दोघांना येरवडा कारागृह, पुणे येथे स्थान बद्ध करण्यात आले आहे.

सोलापूर ग्रामीण जिल्ह्यातील वाळुतस्करी करणारे व शरिराविषक व मालाविषयक गंभीर स्वरूपाचे गुन्हे करणारे तसेच अवैध दारू विक्री करणाऱ्या इसमांचे गुन्हेगारी अभिलेख तयार करण्यात आले असून पोलीस अधीक्षकांनी त्यांचे गुन्हेगारी अभिलेख व वर्तन पाहून सन 2025 मध्ये जिल्ह्यातील 15 इसमाविरूध्द M.P.D.A. कायदद्यान्वये जिल्हादंडाधिकारी, कार्यालयास प्रस्ताव सादर करण्यात आले आहेत. यापुढे देखील अश्याच स्वरूपाची प्रभावी कार्यवाही करण्यात येणार आहे.

सदरची कार्यवाही ही अतुल वि. कुलकर्णी, पोलीस अधीक्षक, प्रितम यावलकर, अपर पोलीस अधीक्षक, यांच्या मार्गदर्शना खाली विलास यामवार, SDPO अक्कलकोट बसवराज शिवपूजे, SDPO मंगळवेढा, व. पोलीस निरीक्षक, संजय जगताप, स.पो.नि. विजय शिंदे, स्थानिक गुन्हे शाखा, पो.नि. सुरेश चिल्लवार, सपोनि सुरवसे अक्कलकोट दक्षिण पो.नि. विनोद घुगे, सांगोला पोलीस ठाणे तसेच जिल्हादंडाधिकारी, कार्यालयाकडील उत्कर्ष देवकुळे, व विलास म्हेत्रे व इतर अधिकारी व अंमलदार यांनी कामकाज केले आहे.