सोलापूर(प्रतिनिधी) शहरा लगत असलेल्या कुंभारी हद्दीतील नवीन विडी घरकुल येथे रुग्णाच्या जीवाशी खेळणारे बोगस डॉक्टर असून कोणतेही वैद्यकीय शिक्षण नसताना देखील नवीन विडी घरकुल परिसरात अनेक ठिकाणी वैद्यकीय ज्ञान नसलेले बोगस डॉक्टर बिनदीक्कीतपणे रुग्णावर उपचार करत असून या बोगस डॉक्टरमुळे नवीन विडी घरकुल मधील नागरिकांचे आरोग्य धोक्यात आले असून चुकीच्या उपचारामुळे एखादा रुग्ण दगावण्याची शक्यता नाकारता येत नाही.
त्यामुळे अश्या बोगस डॉक्टर चा वेळीच शोध घेऊन त्यांच्यावर कडक कारवाई करण्याची गरज आहे नवीन विडी घरकुल भागातील कामगार व गोरगरीबांना तज्ज्ञ डॉक्टरची फी परवडत नाही तसेच बोगस डॉक्टरांची वैद्यकीय उपचारासाठी फी कमी असल्याने रुग्ण उपचारासाठी या बोगस डॉक्टरकडे जातात हा डॉक्टर बोगस असल्याचे रुग्णादेखील कळत नाही. शिवाय रुग्ण देखील अश्या बोगस डॉक्टर च्या वैद्यकीय शिक्षण बाबत अधिक चौकशी करत नाहीत त्यामुळे वर्षानुवर्षे नवीन विडी घरकुल भागात बोगस डॉक्टर उघडपणे व्यवसाय करत आहेत नवीन विडी घरकुल परिसरात बोगस डॉक्टरांची डोकेदुखी अनेक वर्षांपासून सुरु असून बोगस डॉक्टरमुक्त करण्यासाठी मा तालुका आरोग्य अधिकारी यांनी यांनी प्रयत्न करावेत तसेच वैद्यकीय परवाना व डिग्री नसलेल्या बोगस डॉक्टर वर कायदेशीर कारवाई होण्यासाठी पत्रकार यशवंत पवार हे दिनांक 4 ऑगस्ट पासून पूनम गेट जिल्हा परिषद समोर फलक लावून बेमुदत धरणे आंदोलन करत होते या बेमुदत धरणे आंदोलनाची गंभीर दखल घेऊन नवीन विडी घरकुल परिसरातील बोगस डॉक्टर वर कारवाई करण्याचे लेखी पत्र दिल्याने पत्रकार यशवंत पवार यांनी बेमुदत आंदोलन स्थगित केलं आहे यावेळी अतिरिक्त जिल्हा आरोग्य अधिकारी डॉ मोहन शेगर दक्षिण तालुका आरोग्य अधिकारी डॉ नीलम घोगरे बसवराज बिराजदार दैनिक लोकशाही मतदार चे संपादक अक्षय बबलाद पत्रकार अमोल कुलकर्णी सह आरोग्य विभागाचे अधिकारी व कर्मचारी उपस्थित होते.
