सोलापूर (प्रतिनिधी )
सोलापूर शहरातील जुना विडी घरकुल नई जिंदगी परिसर कुमठा नाका एमआयडीसी हद्दीतील सुनील नगर विजय नगर या ठिकाणी रुग्णाच्या जीवाशी खेळणारे बरेच बोगस डॉक्टर असून कोणतेही वैद्यकीय शिक्षण नसताना देखील सोलापूर शहरातील या भागात कोणतीही डिग्री नसलेले बोगस डॉक्टर बिनदीक्कीतपणे रुग्णावर उपचार करत असून या बोगस डॉक्टरमुळे या भागातील नागरिकांचे आरोग्य धोक्यात आले असून चुकीच्या उपचारामुळे एखादा रुग्ण दगावण्याची शक्यता नाकारता येत नाही.
त्यामुळे अश्या बोगस डॉक्टर चा वेळीच शोध घेऊन त्यांच्यावर कडक कारवाई करण्याची गरज आहे गोरगरीबांना तज्ज्ञ डॉक्टरची फी परवडत नाही तसेच बोगस डॉक्टरांची वैद्यकीय उपचारासाठी फी देखील कमी असल्याने रुग्ण उपचारासाठी या बोगस डॉक्टरकडे जातात हा डॉक्टर बोगस असल्याचे रुग्णाला देखील समजत नाही. शिवाय रुग्ण देखील या बोगस डॉक्टर च्या वैद्यकीय शिक्षण व डिग्री बाबत अधिक चौकशी करत नाही त्यामुळे वर्षानुवर्षे सोलापूर शहरातील या भागात बोगस डॉक्टर उघडपणे व्यवसाय करत आहेत या परिसरात बोगस डॉक्टरांची डोकेदुखी अनेक वर्षापासून सुरु बोगस डॉक्टरमुक्त करण्यासाठी शहर आरोग्य अधिकारी (सोलापूर महानगर पालिका) कोणतेही प्रयत्न करत नसल्याची तक्रार जेष्ठ पत्रकार यशवंत पवार यांनी उपसंचालक आरोग्य मंडळ पुणे यांच्याकडे केली होती परंतु बोगस डॉक्टरवर कोणतीही कारवाई केली नसल्याने जेष्ठ पत्रकार यशवंत पवार यांनी विभागीय आयुक्त पुणे यांच्याकडे 5/3/2026 रोजी लेखी स्वरूपाची तक्रार करत बोगस डॉक्टर बाबत विभागीय आयुक्त यांचे लक्ष वेधले होते जेष्ठ पत्रकार यशवंत पवार यांच्या बोगस डॉक्टर बाबत च्या तक्रारीची विभागीय अप्पर आयुक्त यांनी गंभीर दखल घेत बोगस डॉक्टरवर कारवाई करणे बाबत उपसंचालक आरोग्य मंडळ पुणे यांना आदेश दिला आहे.
