गुन्हेगारांना धडा शिकवणारे धडाडीचे अधिकारी म्हणून पोलीस आयुक्त एम राजकुमार यांनी सोलापूरात आपली आगळी वेगळी ओळख निर्माण करून सोलापूर करांची मने जिंकली असून
सोलापूर शहर हे ऐतिहासिक, सांस्कृतिक आणि औद्योगिक दृष्ट्या महत्वाचे शहर आहे. पण गेल्या काही वर्षांत या शहरात गुन्हेगारीचे सावट पसरले होते. अशा परिस्थितीत सोलापूर शहराच्या कायदा सुव्यवस्थेला बळकटी देण्यासाठी पोलीस आयुक्त एम राजकुमार यांनी कंबर कसून आपल्या कर्तृत्वाने आणि कठोर कारवाईने गुन्हेगारांचे कंबरडे मोडले, सोलापूरकर त्यांच्या दोन वर्षाच्या यशस्वी कार्यकिर्दी चे कौतुक करून शुभेच्छा देत आहेत. पोलीस आयुक्त एम राजकुमार हे कठोर अधिकारी आहेत त्याच बरोबर जनतेसाठी अतिशय
संवेदनशील व भावुक देखील आहेत
एम. राजकुमार हे त्यांच्या धमाकेदार अन धडाडीच्या कारवाईसाठी ओळखले जातात. त्यांनी सोलापूरमध्ये पोलीस आयुक्तपदाची सूत्रे हाती घेतल्यापासून शहरातील गुन्हेगार, अंमली पदार्थ विक्रेते, टोळ्या व माफिया यांच्यावर सतत धडक कारवाया केल्या. "कायद्यापुढे कोणीही मोठा नाही" हा संदेश त्यांनी दिला. पण त्याचवेळी, नागरिकांशी संवाद साधताना ते अत्यंत संवेदनशील सजग आणि लोकाभिमुख अधिकारी म्हणून उभे राहिले.
गुन्हेगारांवर धडक मोहीम
सोलापूरमध्ये अंमली पदार्थांची वाढती समस्या, अवैध दारू, जुगार अड्डे, जमीन माफिया, घरफोडी, वाहन चोरी यांसारख्या गुन्ह्यांवर पोलीस आयुक्त एम राजकुमार यांनी विशेष मोहिमा राबवून गुन्हेगारांचे धाबे दणाणून सोडले.
अनेक कुख्यात गुन्हेगारांना तडीपार मोक्का सारख्या धडाकेबाज कारवाई करत थेट तुरुंगात डांबले
टोळीगिरी, दहशत पसरवणारे आणि निरपराध जनतेला त्रास देणाऱ्यांना एम राजकुमार यांच्या कठोर धाडसी व बेधडक कारवाईचा सामना करावा लागला.
गुन्हेगारांवरच नव्हे तर त्यांच्या मुळापर्यंत जाऊन टोळी उद्ध्वस्त करण्याची धमक अन पद्धत एम राजकुमार स्वीकारली.
नागरिकांच्या सुरक्षेला प्राधान्य
एम. राजकुमार यांनी फक्त गुन्हेगारी आटोक्यात आणली नाही, तर शहरातील नागरिकांच्या सुरक्षेसाठी अनेक सकारात्मक उपक्रम राबवले.
महिलांच्या सुरक्षेसाठी हेल्पलाईन व विशेष पथक कार्यान्वित केले.
शाळा, महाविद्यालये व सार्वजनिक ठिकाणी जनजागृती कार्यक्रम राबवले.
वाहतूक सुरळीत ठेवण्यासाठी कडक अंमलबजावणीसह आधुनिक तंत्रज्ञानाचा वापर सुरू केला.लोकाभिमुखता आणि विश्वास
पोलिसांविषयी समाजात विश्वास निर्माण करणे हे सोपे नाही. पण आयुक्त एम. राजकुमार यांनी ते करून दाखवत साध्य देखील केले.
नागरिकांना कोणत्याही समस्येत अन अडचणीत मदत करण्यासाठी ते नेहमी पुढे असतात.
गुन्हेगारीबाबत माहिती देणाऱ्या नागरिकांचे रक्षण करण्याची जबाबदारी त्यांनी पार पाडली.
"पोलिस तुमचे मित्र" ही संकल्पना त्यांनी प्रत्यक्षात आणली.
पोलीस आयुक्त एम राजकुमार यांना पदभार स्वीकारून दोन वर्षे पूर्ण होत आहेत सोलापूरकरांचा एकच स्वर आहे –
"गुन्हेगारांचा धसका, नागरिकांचा विश्वास – अशा धडाडीच्या पोलीस आयुक्तांचा दोन वर्षाचा कार्यकाळ सोलापूरकरांना अतिशय दिलासदायक व समाधानकारक ठरला आहे त्यांची पुढील वाटचाल
जनतेच्या सेवेसाठी प्रेरणादायी ठरो, हीच सोलापूरकरांची माफक अपेक्षा आहे.
यशवंत पवार
प्रदेश अध्यक्ष पत्रकार सुरक्षा समिती महाराष्ट्र
संपादक- साप्ताहिक कार्यसम्राट
संपादक -कार्यसम्राट न्युज सोलापूर.
