बोगस डॉक्टर प्रकरणी यशवंत पवार आक्रमक पोलीस अधीक्षक यांना निवेदन, कारवाई करण्याची केली मागणी.

सोलापूर (प्रतिनिधी)  शहरा लगत असलेल्या कुंभारी हद्दीतील नवीन विडी घरकुल येथे रुग्णाच्या जीवाशी खेळणारे बोगस डॉक्टर असून कोणतेही वैद्यकीय शिक्षण नसताना देखील नवीन विडी घरकुल परिसरात अनेक ठिकाणी डिग्री नसलेले बोगस डॉक्टर बिनदीक्कीतपणे रुग्णावर उपचार करत असून या बोगस डॉक्टरमुळे नवीन विडी घरकुल मधील नागरिकांचे आरोग्य धोक्यात आले असून चुकीच्या उपचारामुळे एखादा रुग्ण दगावण्याची शक्यता नाकारता येत नाही.

त्यामुळे अश्या बोगस डॉक्टरांचा चा वेळीच शोध घेऊन त्यांच्यावर कडक कारवाई करण्याची गरज आहे नवी विडी घरकुल भागातील कामगार व गोरगरीबांना तज्ज्ञ डॉक्टरची फी परवडत नाही तसेच बोगस डॉक्टरांची वैद्यकीय उपचारासाठी फी  देखील कमी असल्याने रुग्ण उपचारासाठी या बोगस डॉक्टरकडे जातात हा डॉक्टर बोगस असल्याचा रुग्णाला देखील समजत नाही. शिवाय रुग्ण देखील अश्या बोगस डॉक्टर च्या वैद्यकीय शिक्षण बाबत अधिक चौकशी करत नाहीत त्यामुळे वर्षानुवर्षे नवीन विडी घरकुल भागात बोगस डॉक्टर उघडपणे व्यवसाय करत आहेत नवीन विडी घरकुल परिसरात बोगस डॉक्टरांची डोकेदुखी अनेक वर्षांपासून सुरु असून बोगस डॉक्टरमुक्त करण्यासाठी व बोगस डॉक्टर वर कारवाई करण्यासाठी जेष्ठ पत्रकार यशवंत पवार यांनी यापूर्वी सहाय्यक पोलीस निरीक्षक वळसंग पोलीस ठाणे यांच्याकडे दिनांक 17/6/2025 रोजी लेखी स्वरूपाची तक्रार केली होती. त्याच बरोबर नवीन विडी घरकुल परिसरातील वैद्यकीय परवाना व डिग्री नसलेल्या बोगस डॉक्टरवर कायदेशीर कारवाई करण्याची विनंती देखील केली होती.

 नवीन विडी घरकुल परिसरातील बोगस डॉक्टर   बाबत पत्रकार यशवंत पवार हे आक्रमक झाले असून कायदेशीर कारवाई करण्याची मागणी त्यांनी आता पोलीस अधीक्षक अतुल कुलकर्णी

  यांच्या कडे लेखी पत्राद्वारे केली असून बोगस डॉक्टर बाबत जातीने लक्ष घालून कारवाई करण्याची मागणी केली आहे.