कोल्हापूर : (प्रतिनिधी)
*छत्रपती शिवाजी महाराजांचा अपमान करणाऱ्या*, *त्यांच्याबद्दल आक्षेपार्ह विधान करणाऱ्या प्रशांत कोरटकरला जामीन मिळाला आहे*.
*आज त्याची कोल्हापूरच्या कळंबा कारागृहातून सुटका झाली*.
*दोन दिवसांपूर्वी मे.जिल्हा सत्र न्यायालयानं कोरटकरला सशर्त जामीन दिला होता*.
*पण शासकीय सुट्टीमुळे यासंदर्भात कागदपत्रांची पूर्तता होऊ शकली नाही.*
*अखेर आज ही प्रक्रिया पूर्ण झाली*.
*त्यानंतर कोरटकरची तुरुंगातून सुटका करण्यात आली*.
*यावेळी मोठा पोलीस बंदोबस्त तैनात होता*
*कोरटकर* वर मे. कोल्हापूर जिल्हा सत्र न्यायालयाच्या परिसरात दोनदा हल्ला झाला आहे.
सुनावणीच्या सुमारास *कोरटकर* वर हल्ल्याचे प्रकार घडले.
*कोटककर* नं केलेल्या विधानामुळे शिवशंभू भक्तांच्या भावना दुखावल्या आहेत.
त्यामुळे त्याच्या विरोधात प्रचंड रोष आहे.
याच कारणास्तव त्याची तुरुंगातून सुटका होत असताना पोलीसांचा मोठा फौजफाटा तैनात होता.
सुटकेनंतर *कोरटकर* ला नेमकं कुठे सोडलं जातंय ?,
याबद्दल पोलीसांनी कमालीची गुप्तता पाळली होती.
*कोरटकर* ला विमानानं बंगळुरुला पाठवण्यात येईल.
त्यानंतर तिथून तो नागपुरला जाईल, अशी माहिती आधी पुढे आली होती.
पण प्रत्यक्षात मात्र *कोरटकर* कोल्हापूरवरुन मुंबईच्या दिशेनं रवाना झाला.
तो विमानानं मुंबईला येत आहे.
मुंबईवरुन तो नागपुरला जाणार आहे.
*कोरटकर* मूळचा नागपूरचा रहिवासी आहे.
*कोरटकर* ला बंगळुरुला पाठवण्यात येणार असल्याची 'बातमी' पेरुन पोलीसांनी सगळ्यांनाच चकवा दिला.
प्रचंड गुप्तता पाळत पोलीसांनी *कोरटकर* ला मुंबईच्या दिशेनं रवाना केलं.
कळंबा कारागृहातून पोलीस *कोरटकर* ला घेऊन बाहेर पडले.
त्यावेळी तिथे मोठा पोलीस बंदोबस्त होता.
पोलीस *कोरटकर* ला घेऊन बाहेर पडल्यानंतर प्रसारमाध्यमांच्या गाड्या रोखण्यात आल्या.
पोलीसांनी माध्यम प्रतिनिधींची वाहनं थांबवल्यानं मोठा गोंधळ झाला.
यावेळी माध्यम प्रतिनिधी आणि पोलीसांमध्ये काहीशी बाचाबाची झाली.
*कोरटकर* ला विमानतळापर्यंत सुरक्षित पोहोचवण्यात कोल्हापूर पोलीस यशस्वी ठरले.
*कोरटकर* काही वेळात मुंबईत दाखल होईल.
तिथून कनेक्टिंग फ्लाईटनं तो नागपुरला रवाना होणार आहे.
