सोलापूर (प्रतिनिधी ) सोलापूर शहरातील नई जिंदगी एम आय डी सी परिसर जुना विडी घरकुल कुमठा नाका रामवाडी पूर्व विभागासह सोलापूर शहरात रुग्णाच्या जीवाशी खेळणारे बोगस डॉक्टरअसून कोणतेही वैद्यकीय शिक्षण नसताना देखील सोलापूर शहरात अनेक ठिकाणी डिग्री नसलेले बोगस डॉक्टर बिनदीक्कीतपणे रुग्णावर उपचार करत असून या बोगस डॉक्टरमुळे सोलापूर शहरातील नागरिकांचे आरोग्य धोक्यात आले असून चुकीच्या उपचारामुळे एखादा रुग्ण दगावण्याची शक्यता नाकारता येत नाही.
त्यामुळे अश्या बोगस डॉक्टर चा वेळीच शोध घेऊन त्यांच्यावर कडक कारवाई करण्याची गरज आहे सोलापूर शहरातील काही झोपडपट्टी परिसरातील गोरगरीबांना तज्ज्ञ डॉक्टरची फी परवडत नाही तसेच बोगस डॉक्टरांची वैद्यकीय उपचारासाठी फी कमी असल्याने रुग्ण उपचारासाठी या बोगस डॉक्टरकडे जातात हा डॉक्टर बोगस असल्याचे रुग्णादेखील कळत नाही. शिवाय रुग्ण देखील अश्या बोगस डॉक्टर च्या वैद्यकीय शिक्षण बाबत अधिक चौकशी करत नाहीत त्यामुळे वर्षानुवर्षे बोगस डॉक्टर सोलापूर शहरात उघडपणे व्यवसाय करत आहेत सोलापूर शहरात बोगस डॉक्टरांची डोकेदुखी अनेक वर्षांपासून सुरु असून बोगस डॉक्टरमुक्त करण्यासाठी शहर आरोग्य विभाग यांनी प्रयत्न करावा त्याच बरोबर मा आयुक्त साहेबांनी या प्रकरणी जातीने लक्ष घालून सोलापूर शहरातील बोगस डॉक्टर वर कारवाई करण्या बाबत आरोग्य अधिकाऱ्यांना सूचना देण्यात याव्यात अश्या मागणी चे निवेदन जेष्ठ पत्रकार यशवंत पवार यांनी महानगर पालिका आयुक्त यांना दिले असून सोलापूर शहरातील वैधकीय शिक्षण व पदवी नसलेल्या बोगस डॉक्टरवर वेळेत कारवाई न केल्यास आंदोलनाचा इशारा दिला आहे.
