सोलापूर (प्रतिनिधी ) राज्य अन्न आयोग अध्यक्ष यांचा सोलापूर येथे दौरा असताना त्यांच्या कडे वादग्रस्त रास्त भावधान्य दुकाना बाबतीत आलेल्या तक्रारीवरून अन्नधान्य वितरण अधिकारी ओंकार पडोळे त्यांच्या मार्गदर्शनाखाली परिमंडळ अधिकारी यांनी परिमंडळ ब विभागातील ११ दुकानाची तपासणी करण्यात आली होती.त्या ११ दुकानापैकी जुना घरकुल जवळ,गांधी नगर,अक्कलकोट रोड येथील साधना सर्व ग्राहक व्यवसाय संस्था ब-34 या दुकानाचे तपासणी केली असता पुढील प्रमाणे दोष आढळून आले,दुकानात जागा अपुरी असणे,दुकानात दर्शनी भागात बोर्ड नसणे,दप्तर अद्यावत नसणे,तसेच गहू ९. ५६ व तांदूळ १४.३५ इतके धान्य तफावत आढळल्याने शासकीय दराप्रमाणे धान्याची होणाऱ्या ८५,५५४/- इतक्या किंमतीचा दंड आकारण्यात आला असून त्या रास्त भाव धान्य दुकानाचा परवाना तात्पुरत्या स्वरूपात सहा महिन्याकरिता निलंबित करण्यात आला आहे
राज्य शासनाच्या वतीने गोरगरीब महिलांना वाटप करण्यात येणाऱ्या मोफत साड्यांची परस्पर विल्हेवाट लावण्याचा सावळा गोंधळ परिमंडळ अ विभागात घडत असल्याची बातमी कार्यसम्राट न्यूज ने लावली होती त्या बातमी ची गंभीर दखल घेत अन्नधान्य वितरण अधिकारी ओंकार पडोळे हे ॲक्शन मोडवर आले असून त्यांनी भरारी पथकाची नेमणूक केली असून गुरुवार दिनांक 13/3/2025 रोजी भरारी पथकाचे प्रमुख परिमंडळ अधिकारी अ विभाग नंदकिशोर डोके व पुरवठा निरीक्षक राजेश यमपुरे यांनी दिवसभरात एकूण सहा दुकानाची तपासणी केली असून एकंदरीत परिमंडळ अ विभागात ६१ दुकाने आहे. लवकरच इतर सर्वच दुकानदारांचे काटेकोरपणे तपासणी करण्यात येणार व दोषी दुकानावर कारवाई करणार असल्याचे अन्नधान्य वितरण अधिकारी ओंकार पडोळे यांनी प्रसार माध्यमांना कळविले आहे. रास्त भाव धान्य दुकानात अचानक आलेल्या भरारी पथकाला पाहून दुकानदारांचे चांगलेच धाबे दणाणलेले आहेत.
मागील दोन महिन्यात असेच अवैधरित्या घरगुती गॅस भरणाऱ्या पॉईंट वर भरारी पथकामार्फत धाड टाकून कारवाई करण्यात आली होती.
मागील काही दिवसातच आपल्या पुरवठा क्षेत्रात शासकीय योजनाची मोहीम प्रभावी पणे राबवत दोषी रास्त भाव धान्य दुकान व अवैधरित्या गॅस पॉइंटवर बेधडक कारवाई करणाऱ्या अन्नधान्य वितरण अधिकारी ओंकार पडोळे आता परिमंडळ अ विभागात सावळा गोंधळ घालणाऱ्या रास्त भाव धान्य दुकानावर कारवाई करणार का ❓ याकडे सर्व शहरवासीयांचे लक्ष लागून राहिले आहे.
